網紅的藏寶箱之後會詳細啲講，啱啱睇完快快手講兩句。
《尚氣》同導演以往作品都有少少共通點。主角唔願意面對佢嘅過去同埋家庭/ 家人，佢點樣去尋找或者解開佢嘅心結、認識自己肯定自己，喺以往嘅電影中都係重要嘅命題。我估計迪士尼可能都係睇中導演呢點而搵佢拍尚氣呢個人物。
今次都唔係MCU第一次寫family，有深刻卻蒼白嘅Iron Man “I love you 3000”、有溫情嘅Antman，仲有近期（頗差嘅）Black Widow等等。《尚》算寫得到東方家庭父母對子女嘅期望、子女對上一輩嘅敬畏（畏多於敬）。有影友指編劇之一的Dave Callahum 有華人血統，可能係呢個原因先寫得出朝偉父子好Typical 嘅華人父子關係（不過又咁講，呢種相信都係華人喺白人心目中嘅主要刻板印象，全世界嘅人只要對華人社會有少少認識，都會聯想到呢種關係）。總括，父子之間嘅愛同恨，同導演前作就梗係冇得比，不過我覺得喺MCU嘅宇宙世界入邊，搵到空間比個導演發揮，都算係個唔錯嘅嘗試。
不過條仔真係好醜樣（而且其他角色不論男男女女都靚過佢），真係好輸蝕。難怪人哋話套戲係一場有趣嘅實驗，有趣在唔搵外貌協會會員黎幫手選主角。
P.s. 劇透…
..
..
.
.
.
.
..
元華無耍兩手有啲浪費囉
Search